२०७० जेष्ठ २ गते
उपलब्ध केन्द्रीय सदस्यहरु सहित ने.क.पा. (मसाल)को पी.वी.को बैठक यही जेष्ठ १ र २ गते सम्पन्न भयो । त्यो बैठकले देशका विभिन्न राष्ट्रिय प्रश्नहरुमा संघर्षलाई देशव्यापी रुपमा अगाडि बढाउनुका साथै संविधानसभाको चुनाव सम्बन्धी राजनीतिक कार्यक्रम पनि साथसाथै अगाडि बढाउने निर्णय गरेको छ । हाम्रो पार्टीको केन्द्रीय समितिले �निर्दलीय सरकारको विरोध गरौं, संविधानसभाको चुनावलाई सुनिश्चित गर्न संघर्ष गरौं� भन्ने नाराका आधारमा देशव्यापी रुपमा संघर्ष गर्ने नीति पहिले नै निर्धारित गरिसकेको छ । त्यो नीति अन्तर्गत नै हाम्रो पार्टीले संविधानसभाको चुनाव सम्बन्धी कार्यक्रमलाई पनि अगाडि बढाउने नीति अपनाउने छ ।

देशको राजनीतिमा राजनीतिक शक्तिहरुको भूमिकाको प्रश्न
� मोहनविक्रम सिंह
नेपालका राजनीतिक शक्तिहरु असफल भइसके र अब देशको राजनीतिमा तिनीहरुको आवश्यकता छैन । अहिले देशमा त्यो मत व्यापक रुपमा प्रकट गर्ने गरेको पाइन्छ । प्रथमता त्यस प्रकारको सोचाई एकदम निराधार छैन । तर त्यससित जोडिएको अर्को प्रश्न यो हो ः राजनीतिक शक्तिहरुको विकल्प के हो ? प्रस्तुत लेखमा दुवै पक्षहरु बारे विचार गर्ने प्रयत्न गरिने छ ।